ថ្ងៃពុធ ១២កើត ខែចេត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៩ ខែមេសា ឆ្នាំ២០២៥

លោកស្រី អែម សុធារ៉ា ប្រធានមន្ទីរ និងលោក ឡាង គីរី អនុប្រធានមន្ទីរ ព្រមទាំងមន្ត្រីជំនាញពាក់ព័ន្ធ បានចូលរួមប្រជុំពិនិត្យ និងវាយតម្លៃទីតាំងដីអតីតថ្នាលបណ្ដុះកូនឈើដែលរដ្ឋបាលខេត្តកោះកុង ស្នើសុំអនុញ្ញាតចេញវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ ចំនួន ០៩ក្បាលដី ដែលខណ្ឌរដ្ឋបាលព្រៃឈើ នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានដាក់ពាក្យប្ដឹងជំទាស់មិនឱ្យចេញប័ណ្ណ ក្រោមអធិបតីភាពឯកឧត្តម ឃី កុសល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោកស្រី អ៊ី នារីនេត អភិបាលរង នៃគណៈអភិបាលខេត្តកោះកុង ដោយមានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ តំណាងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត តំណាងមន្ទីរសេដ្ឋកិច្ច និងហិរញ្ញវត្ថុខេត្ត តំណាងរដ្ឋបាលក្រុងខេមរភូមិន្ទ តំណាងរដ្ឋបាលសង្កាត់ស្មាច់មានជ័យ និងអ្នកពាក់ព័ន្ធដទៃទៀត នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកោះកុង មានអ្នកចូលរួមសរុបចំនួន ២៥នាក់ ស្រី ០៣នាក់។