ថ្ងៃចន្ទ ៦រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១

លោក សុខ សំអាត អនុប្រធានមន្ទីរ និងជាអនុប្រធានគ្រប់គ្រងអនុកម្មវិធី ASPIRE ខេត្តកោះកុង បានដឹកនាំមន្រ្តីជំនាញ និងទីប្រឹក្សាក្រោមឱវាទ ចូលរួមប្រជុំតាមរយៈប្រព័ន្ធបញ្ជូនរូបភាព និងសម្លេង (Zoom Online Video Conference) ជាមួយក្រុមការងារនាយកដ្ឋានផ្សព្វផ្សាយកសិកម្មក្រសួងកសិកម្ម រុក្ខាប្រមាញ់ និងនេសាទ លើប្រធានបទសំខាន់ៗចំនួន ០៤រួមមាន៖ ១. តើត្រូវធ្វើយ៉ាងណាដើម្បីអោយកសិករទទួលបានសេវាផ្សព្វផ្សាយ, ២. ទំនាក់ទំនងរបស់ជនបង្គោលជាមួយការងារផ្សព្វផ្សាយ, ៣. វិធីសាស្រ្តក្នុងការផ្សព្វផ្សាយ និងទី៤. បញ្ហាហិរញ្ញវត្ថុលើសកម្មភាពផ្សព្វផ្សាយ។