ថ្ងៃព្រហស្បតិ៍ ២កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣ ខែឧសភា ឆ្នាំ២០២១

ដោយទទួលបានការណែនាំពីលោកប្រធានមន្ទីរ និងជាប្រធានគ្រប់គ្រងអនុកម្មវិធី ASPIRE ខេត្តកោះកុង លោក ណៃ សុផុន ទីប្រឹក្សាគ្រប់គ្រងអនុកម្មវិធីខេត្ត រួមជាមួយមន្រ្តីបច្ចេកទេសមន្ទីរ ភ្នាក់ងារផ្សព្វផ្សាយកសិកម្មឃុំ និងអ្នកទទួលការសាងសង់ បានជួបពិភាក្សាជាមួយលោក អន សុធារិទ្ធ អភិបាល នៃគណៈអភិបាលស្រុកថ្មបាំង មេឃុំឬស្សីជ្រុំ និងក្រុមប្រឹក្សាឃុំកណ្តោល ដើម្បីពិនិត្យឡើងវិញនៅទីតាំង សាងសង់មជ្ឈមណ្ឌលប្រមូលផ្តុំកសិផល ដែលនឹងត្រូវដំណើរការសាងសង់ក្នុងពេលឆាប់ៗ។