ថ្ងៃសុក្រ ១២កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែវិច្ឆិកា  ឆ្នាំ២០២០

លោកស្រី អែម សុធារ៉ា អនុប្រធានមន្ទីរ ក្រុមការងារផ្នែករដ្ឋបាលព្រៃឈើដងទង់ និងនាយរងសង្កាត់រដ្ឋបាលព្រៃឈើស្រែអំបិល ចូលរួមពិនិត្យជាក់ស្ដែងព្រំប្រទល់ដីទំនាស់  លើទីតាំងដីចម្ការឈើអាកាស្យារបស់រដ្ឋ  ដែលមានប័ណ្ណសម្គាល់សិទ្ធិកាន់កាប់ប្រើប្រាស់ដីធ្លីលេខ៖ A 1 - 0913 និង A 1 - 0160  ស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ ក្រុមការងារពិនិត្យព្រំប្រទល់ទីតាំងដីទំនាស់ចម្ការឈើអាកាស្យារបស់រដ្ឋ ដឹកនាំដោយ   លោក សុខ សុទ្ធី  អភិបាលរង នៃគណៈអភិបាលខេត្តកោះកុង  និងមានការអញ្ជើញចូលរួម ពីព្រះរាជអាជ្ញារងអមសាលាដំបូងខេត្តកោះកុង លោកប្រធានទីចាត់ការអន្តរវិស័យសាលាខេត្ត លោកអភិបាលរងក្រុងខេរមរភូមិន្ទ  លោកចៅសង្កាត់-ចៅសង្កាត់រងស្មាច់មានជ័យ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្ត ក្រុមការងារមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្ត និងអ្នកពាក់ព័ន្ធចូលរួមសរុបចំនួន ១៣ នាក់។