ថ្ងៃច័ន្ទ ១០រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១២ ខែតុលា ឆ្នាំ២០២០ លោក  ខៀវ  កានិត ប្រធានការិយាល័យ ផលិតកម្ម និងបសុព្យាបាល បានដឹកនាំមន្ត្រីការិយាល័យ សហការជាមួយការិយាល័យកសិកម្ម ធនធានធម្មជាតិ និងបរិស្ថានស្រុកស្រែអំបិល  អាជ្ញាធរ ស្រុក, ឃុំ, ភូមិ បានចុះអន្តរាគមន៍ជំងឺឆ្លងសត្វគោ ក្របី នៅភូមិ ព្រែកជីក  ឃុំជីខក្រោម ស្រុកស្រែអំបិល។ +លទ្ធផលបឋម ១.ប្រជុំណែនាំអំពីវិធានការការពារ និងការព្យាបាលសត្វដល់កសិករដែលបានចូលរួម ១៦នាក់  ស្រី ៧នាក់។ ២. ចែក ជូនថ្នាំ  Blue Methylene សម្រាប់លាបលើដំបៅ គោ ក្របី ដល់កសិករ ១៦ នាក់។ ៣. ចែកជូនផូស្ទ័រអំពីជំងឺអុតក្ដាមគោក្របីដល់កសិករ។ ស្រង់ស្ថិតិសត្វគោក្របីរបស់កសិករដែលបានចូលរួមទាំង ១៦នាក់÷ ១. គោ សរុប ១០០ក្បាល ឈឺ  ១១ក្បាល ពុំមានងាប់។ ២. ក្របី សរុប  ៣២ក្បាល  ឈឺ ០២ក្បាល ងាប់គ្មាន។ + ផែនការបន្ត ៖១. ចុះណែនាំប្រជាពលរដ្ឋចូលរួមទប់ស្កាត់តាមវិធានបសុព្យាបាលតាមរោងចិញ្ចឹម, ២. ចុះព្យាបាលសត្វកំពុងឈឺ និងសត្វដែលទើបចេញរោគសញ្ញាជំងឺថ្មី, ៣. បន្តការតាមដានស្ថានភាពសុខភាពសត្វគោក្របីនៅក្នុងហ្វូងសត្វឈឺ និងហ្វូងសត្វដែលចិញ្ចឹមក្នុងតំបន់ផ្ទុះជំងឺ។