ថ្ងៃសុក្រ ៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកក្កដា ឆ្នាំ២០២០ ក្រុមការងារខណ្ឌ និងផ្នែករដ្ឋបាលព្រៃឈើស្រែអំបិល សហការជាមួយ ក្រុមមន្ត្រីអធិការដ្ឋានរដ្ឋបាលព្រៃឈើឈូងសមុទ្រ បានចុះត្រួតពិនិត្យទីតាំង ឈូសឆាយដី ជីកយកអាចម៍ដី ០១ កន្លែង ស្ថិតនៅចំណុចនិយាមកា UTM ( ៣ ៦៧ ៩៩៩ ; ១២ ២៧ ៥២៦ ) ស្ថិតនៅក្នុងភូមិសាស្ត្រភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង ក្រោយពីពិនិត្យ ផ្ទៀងផ្ទាត់ ដោយប្រើប្រាស់ផែនទី GIS បញ្ជាក់ឃើញថា ទីតាំងឈូសឆាយដី ជីកយកអាចម៍ដី ស្ថិតនៅក្នុងតំបន់ដីគ្មានគម្របព្រៃឈើ។ ក្រោយពីពិនិត្យឃើញថា ការឈូសឆាយដីខាងលើ មិនប៉ះពាល់លើគម្របព្រៃឈើទេនោះ ក្រុមការងារបានធ្វើកិច្ចសន្យា ជាមួយម្ចាស់រណ្ដៅដី ដោយហាមជីកប៉ះពាល់ដល់គម្របព្រៃឈើ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម