ថ្ងៃព្រហស្បតិ៍ ៤រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៩ ខែកក្កដា ឆ្នាំ២០២០ លោក សុខ សំអាត អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងជាអនុប្រធានគ្រប់គ្រងអនុកម្មវិធី ASPIRE ប្រចាំខេត្តកោះកុង បានអញ្ជើញជាអធិបតីភាព ក្នុងកម្មវិធីវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ប្រចាំខេត្តកោះកុង  ដែលរៀបចំសម្របសម្រួលដោយក្រុមទីប្រឹក្សា  អនុកម្មវិធី ASPIRE ខេត្តកោះកុង ក្រុមការងារអនុកម្មវិធី ASPIRE ប្រចាំស្រុកបូទុមសាគរ ព្រមទាំងអញ្ជើញចូលរួមពីក្រុមប្រឹក្សាឃុំកណ្តោល លោកមេភូមិ និងកសិករអ្នកផលិតបន្លែ អ្នកលក់ធាតុចូលជាពិសេសមានក្រុមហ៊ុន ជីសរីរាង្គ យូភីអិលអិមអិលណាណូ  និងអ្នកទទួលទិញបន្លែ សរុបចំនួន ៥០ នាក់  ស្រី ២៩ នាក់។ ជាលទ្ធផលនៃកិច្ចប្រជុំនេះគឺអង្គពិធីបានពិភាក្សាយ៉ាងផុលផុស ដោយមានការចូលរួមពីគ្រប់ភាគីទាំងអស់ និងបានយល់ច្បាស់ពីសារប្រយោជន៍នៃការចូលរួមបង្កើតបណ្តុំអាជីវកម្មបន្លែ ហើយក្នុងនោះសមាជិកអង្គពិធីបានឯកភាពគ្នាដោយបានលើកដៃ១០០% ក្នុងការចូលរួមជាសមាជិកបណ្តុំ នឹងបានបោះឆ្នោតជ្រើសរើសគណៈកម្មការបណ្តុំអាជីវកម្មបន្លែ ដែលមានសមាជិកចូលរួមសរុប ៥០នាក់។ គណៈកម្មការគ្រប់គ្រងចំនួន ០៣ នាក់ ដូចមានឈ្មោះរួមមាន៖ ១.លោក សាន់ អ៊ូ  ប្រធានគណៈកម្មការ  ២.លោក អាន ឆុន  អនុប្រធានគណៈកម្មការ   ៣.លោកស្រី ហាន់ កណ្ឋាន រដ្ឋបាល និងហិរញ្ញឹក ទិសដៅបន្ត៖ ១. ចុះប្រមូលទិន្នន័យគ្រួសារបណ្តុំ ដោយដាក់បញ្ចូលទៅក្នុងប្រព័ន្ធព័ត៌មានសម្រាប់ការគ្រប់គ្រង (MIS) ២. រៀបចំវេទិកាអ្នកពាក់ព័ន្ធច្រើនភាគី និង ៣.គាំទ្រគ្រួសារបណ្តុំនិងណែនាំឲ្យចេះបំពេញផែនការអាជីវកម្ម។