ថ្ងៃពុធ ១កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែវិច្ឆិកា  ឆ្នាំ២០១៩ លោក សុខ សំអាត អនុប្រធានមន្ទីរ និងលោកអនុប្រធានការិយាល័យកសិកម្មស្រុកថ្មបាំង ចូលរួមជាវាគ្មិនក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកោះកុងអាណត្តិទី៣ ឆ្នាំ២០១៩ នៅវត្តថ្មបាំង ក្នុងឃុំឬស្សីជ្រុំ ស្រុកថ្មបាំង។ វេទិកានេះប្រព្រឹត្តឡើងក្រោមអធិបតីភាពឯកឧត្តម អ៊ុន ឆាលី សមាជិកក្រុមប្រឹក្សាខេត្ត តំណាងឯកឧត្តម កាយ សំរួម ប្រធានក្រុមប្រឹក្សាខេត្ត និងលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង ដែលមានអ្នកចូលរួមសរុបប្រមាណ ៣០០ នាក់។